कमला घिमिरे ,सन्धिखर्क। अर्घाखाँची जिल्लाको भुमिकास्थान नगरपालिका वडा नम्बर ८ का दुवै मृगौला पिडित बिष्णु नेपालीलाई आर्थिक रकम हस्तान्तरण गरिएको छ। 

भुमिकास्थान नगरपालिका वडा नम्बर ८ का वडा अध्यक्ष राजकुमार श्रेष्ठ र समाजसेवी एवं यातायात व्यवसायी रुद्र गैरेको पहलमा संकलित २४ हजार ५ सय रुपैँया आज  मृगौला पिडित नेपालीको घरमै  पुगी भेटेर वडा अध्यक्ष श्रेष्ठ र समाजसेवी गैरेले हस्तान्तरण गरेका हुन्।  

दुवै मिर्गौला पिडित बिष्णु नेपालीको घरमा आर्थिक अवस्था अत्यन्तै कम्जोर भएको कारणले गर्दा निजको  थप उपचारका लागि सहज र केहि सहयोग होस भन्ने हेतुले वडा अध्यक्ष राजकुमार श्रेष्ठले आज मिर्गौला तथा मुटु पिडित सरोकार समाज नेपालका सदस्य रेख बहादुर गुरुङ संग भेटघाट गरि बाँकी उपचार र आर्थिक बिषयमा गम्भीर छलफल गरेको बताएका छन्। 

साथै नेपाल सरकार तथा स्थानीय तह बाट मिर्गौला पिडितले पाउने उपचार खर्चको लागि सम्पूर्ण कागज पत्रहरु पुरा गरेको र आगामी दिनमा निजलाई प्रत्येक महिना ५ हजार उपलब्ध हुने वडा अध्यक्ष राजकुमार श्रेष्ठले अर्घाखाँची बुलेटिन लाई जानकारी दिएका छन्।