कमला घिमिरे ,अर्घाखाँची।अर्घाखाँची जिल्लाको भुमिकास्थान नगरपालिका वडा नम्बर - ९ र १० का कर्तव्य ज्यान मुद्दामा फरार रहेका दुई जनालाई प्रहरीले १२ बर्ष पछि पक्राउ गरेको छ। 

जिल्लाको भुमिकास्थान नगरपालिका साविकको धनचौर गा.वि.स वडा नं ९ हालको भुमिकास्थान नगरपालीका वडा नं -१० न धनचौर निवासी २८ बर्षिया खुमकला भुसालले  जिल्ला प्रहरी कार्यालय अर्घाखाँचीमा दिएको जाहेरी अनुसार धनचौर गा.वि.स. वडा नं . ९ हाल भुमिकास्थान नगरपालिका वडा नम्बर - १०  स्थाई ठेगाना भएका  कर्तव्य ज्यान मुद्दामा फरार रहेका ३६ बर्षिय नारायण बुढा र ४० बर्षिय शालिक बुढालाई अर्घाखाँची र कपिलवस्तु जिल्लाको सिमानामा लुकिछिपि बसीरहेको भन्ने सुचनाको आधारमा प्र.नि. अर्जुन पौडेलको कमाण्डमा खटिएको टोलीले आज पक्राउ गरेको हो। 

 ९ जनाले कर्तव्य गरि मारेको कर्तव्य ज्यान मुद्दामा जिल्ला अदालत अर्घाखाँचीले सबै जना अभियुक्तहरुलाई २०७५ साल असार ३ गते २० बर्षको कैद सजाय फैसला गरेको थियो। २० बर्ष कैद फैसला भए संगै शालिक बुढा र नारायण बुढा फरार रहेका थिए। 

निज अभियुक्तहरुले २०६७ साल माघ २५ गते अन्दाजी ३ बजे दिउँसोको समयमा भुमिकास्थान नगरपालिका वडा नम्बर -९ धन्चौर  प्यारे निवासी ४० बर्षिय दधिराम भूसालको निर्मम ह'त्या गरेका थिए। प्रहरीले फरार रहेको दुई जनालाई १२ बर्ष पछी आज पक्राउ गरि जिल्ला अदालत अर्घाखाँचीमा पेश गरेको बुझिएको छ।