कुनै बेला १९ अर्बसम्मको कारोबार भएको सेयर बजारमा उच्च गिरावट आएको छ । साताको अन्तिम (बिहिबार) ७ अर्ब रुपैयाँको  सेयर कारोबार भएको छ । 

नेप्से सूचक १६.९६ अंकले घटेर २८४३ बिन्दुमा अडिएको छ । २ सय १९ कम्पनीको १ करोड ३२ लाख १० हजार भन्दा बढी कित्ता सेयर कारोबार भएको छ ।

१३ समूहमध्ये २ वटा बाहेक बाँकी सबै समूहका सूचक घटेका छन । खरिदबिक्री रकममा ३७ करोड ८३ लाख रुपैयाँभन्दा बढी सहित नेपाल पुनर्बिमा कम्पनी अग्रस्थानमा रहेको छ । दोस्रो र तेस्रोमा क्रमशः नेपाल इन्सुरेन्स र अपर तामाकोशी परेका छन् ।