अशोक खनाल ,सन्धिखर्क। घरेलु तथा सानाउधोग बिकास कार्यालय अर्घाखाँचीको अगुवाइमा जिल्लामा संचालित केही साना तथा मझौला उधोगहरुको अनुगमन तथा निरीक्षण गरिएको छ ।

मंगलबार जिल्ला प्रशासन कार्यालय अर्घाखाँचीका साहायक प्रमुख जिल्ला अधिकारी  मेघनाथ पाध्यको नेतृत्वमा गएको टोलिले जिल्लामा संचालित अर्घा मिनरल वाटर प्राली,अर्घाखाँची दुग्ध उधोग,सगरमाथा स्वादिस्ट दालमोठ उधोग सनपा -२ तथा गाहा चाउमिन तथा बेकरी ,लक्ष्मी बेकरी तथा चाउमिन उधोग सनपा .१ मा अनुगमन तथा निरीक्षण गरेको छ ।

निरीक्षणको क्रममा केही उधोग नियमानुसार संचालन भए पनि केही उधोग हरुमा नियम अनुसार संचालन नदेखिएको १५ दिने सूचना अनुसार नियमन गर्न निर्देशन दिएको छ ।

अनुगमनमा घरेलु तथा साना उधोग बिकाश कार्यालय अर्घाखाँचीका प्रमुख सन्तोष खनाल , सन्धिखर्क नगरपालिकाका अधिकृत बालबहादुर क्षेत्री  जिल्ला प्रहरीकार्यालयका प्रतिनिधि तथा पत्रकारहरुको उपस्थित रहेको थियो ।