अर्घाखाँची। अर्घाखाँची जिल्ला भुमिकास्थान नगरपालिका वडा नम्बर ९ ढिकराका नागरिकहरुले रुपन्देहीमा स्थापना गरेको ‘अर्घाखाँची ढिकुरा रुपन्देही समाज’ ले बिभिन्न सामाजिक कार्य गर्दै आइरहेको छ। बिगतका वर्षहरुमा पनि ढिकुराका विभिन्न ठाउहरुमा स्वास्थ्य सिबिर सञ्चालन गर्दै आएको कुरा यहाहरुलाई अबगतै छ। अहिले पनि २०७९ कार्तिक ४ र ५ गते शिविर सँञ्चालन गर्ने भनिएतापनि विभिन्न कारणले अबरोध भएको थियो। 

उक्त समयमा सञ्चालन गर्ने भनेको शिविर समाजले यहि मंसीर ९ र १० गते ढिकुराको गौचोरमा रहेको दिपेन्द्र आधारभुत विधालयमा संचालन गर्ने भएको छ। सो श्रेत्र र पाएक पर्ने स्थानका नागरिकहरुले उक्त शिविरमा गएरसेबा लिन सकिने समाजका अध्यक्ष डिल बिन्दु थापाले जानकारी दिए। उक्त शिविरमा विशेषज्ञ डाक्टरहरुले बिरामी जाच गर्ने छन। 

जनरल फिजिसयन,हाडजोर्नी तथा नशारोग,जनरल सर्जन,स्त्री तथा प्रसुतीरोग,शिशु तथा बालरोग,मानसिकरोग र नाक,कान,घाँटीरोग विशेषज्ञ सेवा शिविरमा पाईने छ।