गोकर्ण पाण्डे,गुल्मी। गुल्मीमा पछिल्लो २४ घण्टामा थप २६ जनामा कोरोना भाइरस संक्रमण पुष्टि भएको छ।पिसिआर परिक्षण गर्दा १३ जना र एन्टिजेन परिक्षण गर्दा १३ जनामा काेराेना संक्रमण पुष्टि भएको स्वास्थ्य कार्यालयले जानकारी दिएकाे छ। जिल्लाकाे रेसुङा नगरपालिकामा छ जना,मुसिकाेट नगरपालिकामा एक  जना,कालीगण्डकी गाउँपालिकामा एक जना, छत्रकाेट  गाउँपालिकामा  पाँच जना, गुल्मीदरबार गाउँपालिकामा  चार जना, धुर्कोट गाउँपालिकामा चार जना, रुरुक्षेत्र गाउँपालिकामा तिन जना, सत्यवती गाउँपालिकामा दुई जना गरि २६ जनामा कोरोना भाइरसको संक्रमण पुष्टि भएको हो ।याे सगै गुल्मीमा काेराेना सकृय संक्रमित संख्या ३८६ पुगेको छ।

त्यस्तै,पछिल्लो २४ घण्टामा ३१ जना काेराेना संक्रमण मुक्त भएका छन्।अहिले सम्म कुल चार हजार तीन सय ८१ जना कोरोना जितेर घर फर्किएको जन स्वास्थ्य कार्यालय गुल्मीले जानकारी दिएकाे छ।

गुल्मीमा दोस्रो काेराेना लहरका कारण गुल्मीमा ९२ जनाले ज्यान गुमाएका छन्।