कमला घिमिरे ,अर्घाखाँची । अर्घाखाँची जिल्ला पाणिनी  गाउँपालिकामा एकदिने अनुशिक्षण कार्यक्रम सम्पन्न भएको छ । 

जिल्ला समन्वय समिति अर्घाखाँचीले आयोजना गरेको  कार्यक्रममा स्थानीय तह वित्तीय सुशासन, जोखिम मुल्यांकन सम्बन्धि प्रशिक्षण दिइएको हो। 

स्थानीय तहका जनप्रतिनिधि तथा कर्मचारीहरुका लागि १ दिने अनुशिक्षण कार्यक्रम भएको हो !उक्त कार्यक्रमका प्रमुख प्रशिक्षकका रुपमा हरिप्रसाद शर्मा र विनोद कुवर रहेका थिए। 

पाणिनी  गाउँपालिकामा एकदिने अनुशिक्षण कार्यक्रममा गाउँ पालिका अध्यक्ष टेकराज न्योपानेको प्रमुख आतिथ्यमा सम्पन्न उक्त कार्यक्रममा जिल्ला समन्वय समितिका प्रमुख जिवनारायण कोइराला,पालिका उपाध्यक्ष नमर्दा पौडेल र प्रशासकीय अधिकृत हुमलाल भुसाल र ८ नं वडाका अध्यक्षको विशेष आतिथ्यता रहेको थियोे । कार्यक्रम बिनोद कुवरकाे संचालनमा सम्पन्न भएकाे थियाे ।