गुरुदेव खनाल ,सन्धिखर्क। अर्घाखाँची जिल्लाको सदरमुकाम सन्धिखर्क नगरपालिकाको मसाल बजारमा रहेको डोलेश्बर सहकारी संस्थाद्वारा आज ६६ औँ सहकारी दिवसको अवसरमा  सन्धिखर्क नगरपालिकाको त्रिवेणीधाम देखि प्युठान रोडसम्म सरसफाई कार्यक्रम सम्पन्न भएको छ ।

 यस कार्यक्रममा संस्थाका अध्यक्ष मोतीराज शर्मा, सेयर सदस्य, मिडिया कर्मी, लगायत स्थानीय बासिन्दाहरुको सहभागीता रहेको थियो ।हामीले नगरे कस्ले गर्ने भन्ने मुल नाराका साथ सरसफाइ अभियान चलेको र साथै सन्धिखर्क नगरपालिका वडा न. २ का वडा अध्यक्ष मोतिजङ्ग रायमाझी पनि सहभागी हुनु भएको थियो । 

त्यसैगरी सरसफाइ पश्चात् आफ्नो अफिसको प्राङ्गणमा आइ नयाँ शैलीबाट क्यालेन्डर विमोचन भएको थियो । 

जब कि सन्धिखर्कमा सहकारीहरुले नेता बोलाउने, खादा, माला लगाउने, जस्तै अनेक खर्च गरी क्यालेन्डर विमोचन गर्ने गर्दछन ।

 तर डोलेश्बर सहकारी संस्थाद्वारा फरक किसिमबाट क्यालेन्डर विमोचन भएको पाइयो र आफ्नो सम्पुर्ण सेयर सदस्यलाई संचालकको हातबाट क्यालेन्डर विमोचन गरी नयाँ शैलीको सुरुवात गरेको थियो  ।