चरम आर्थिक सङ्कटमा पाणिनी क्याम्पस: सात महिनादेखि प्राध्यापकहरू तलबविहीन

नेत्रप्रसाद मरासिनी ,अर्घाखाँची । अर्घाखाँचीको पाणिनी बहुमुखी क्याम्पस चरम आर्थिक अभावबीच सञ्चालन भइरहेको छ । आर्थिक आम्दानीको गतिलो स्रोत नहुँदा क्याम्पस आर्थिक सङ्कटमा परेको हो । गत वर्षको फागुन महिना यता प्राध्यापकहरूले पारिश्रमिक पाउन सकेका छैनन् । चरम आर्थिक अभाव भएपछि उनीहरूको तलब दिन नसकेको क्याम्पस प्रशासनले जनाएको छ । सात महिनादेखि प्राध्यापकहरू तलबविहीन भएर अध्यापन गराउन बाध्य छन् ।